விஸ்வரூபம் கருத்து சுதந்திரமா?

சர்ச்சை நாயகன் கமலஹாசன் இயக்கி நடித்து வெளிவர காத்திருக்கும் திரைப்படம் தான் விஸ்வரூபம் என்பது அனைவரும் அறிந்த ஒன்றுதான். அந்த திரைப்படத்தில் முஸ்லீம்களை தவறாக சித்தரிப்பதாக முஸ்லீம்கள் திரைப்படத்தை வெளியிட எதிர்ப்பு தெரிவித்ததின் காரணமாக அந்த திரைப்படத்தை வெளியிட தற்காலிக தடை விதிற்கும் அளவுக்கு சென்றுள்ளதும் அனைவரும் அறிந்த விடயம்தான்.  .எப்பொழுதுமே கமல் தனது படங்களில் முஸ்லீம்களை தவறாக சித்தரித்தும் கேலிசெய்வது போன்ற காட்சி அமைப்பது நாம் அறியாத ஒன்றல்ல.

சரி இப்பொழுது விசயத்துக்கு வருவோம். கமலஹாசன் தான் விரும்பியதை திரைப்படமாக எடுப்பதில் தவறு இல்லை. இது ஜனநாயக நாடு இங்கு ஒருவர் தனது கருத்தை திரைப்படமாக எடுக்க அவருக்கு முழு சுதந்திரம் உண்டு. அதை எதிர்ப்பது கருத்து சுதந்திரத்தின் குரல்வளையை நெரிப்பது போன்றது என்றெல்லாம் சிலர் கருத்து கூறி வருகின்றனர். 

முதலில் ஒன்றை சொல்லிவிடுகின்றேன் கருத்து சுதந்திரம் கருத்து சுதந்திரம் என்று புலம்புகின்றவர்கள் ஒன்றை மனதில் வைத்துகொள்ள வேண்டும். கருத்து சுதந்திரம் என்பது என்ன அதற்கான அளவுகோல் என்ன என்பதை விளங்க வேண்டும். நமது ஊரில் பொதுவாக சுதந்திரத்தைப் பற்றி ஒன்றை சொல்லுவார்கள். அதாவது நமது சுதந்திரத்தின் எல்லை கோடு எதுவரை என்றால் நாம் நமது கையை நீட்டினால் நமக்கு எதிரில் இருக்கும் நபரின் மூக்கு நுனி வரை நமது சுதந்திரம் நமக்கு உண்டு. நமது கை நமக்கு முன்பிருக்கும் நபரின் மூக்கு நுனியில் பட்டுவிட்டால் நாம் அவரின் சுதந்திரதில் கை வைத்து விட்டோம் என்று பொருள். அது போல கமல் தனது கருத்தை சொல்லலாம் எதுவரை என்றால் முஸ்லீம்களின் மூக்கு நுனி மீது கமலின் கை படும் வரை. முஸ்லீம்கள் கமல் நீட்டிய கை எங்கள் மூக்கு நுனியில் படுகின்றது ஆகவே கமலஹாசன் தனது கையை மடக்கி கொள்ள வேண்டும் என கூறுகின்றார்கள். இது எந்த வகையில் கமலின்  கருத்து சுதந்திரத்தில் தலையிடுவதாகும்.

கமலஹாசன் அவர் எடுக்கும்  திரைப்படங்களில்  தன்னை பற்றி எதுவேண்டு மென்றாலும் சொல்லலாம் அது  அவர் கருத்து சுதந்திரம். தான்  நாத்திகன் தனக்கு கடவுள் நம்பிக்கை இல்லை  என சொல்வது அவர் உரிமை. அதே நேரத்தில் கடவுள் நம்பிக்கை உள்ளவர்கள் எல்லாம் பைதியகார்கள் என்று சொல்வதை ஏற்றுக் கொள்ள முடியுமா. அது போல தாங்கள் திரைப்படம் எடுக்கலாம் தவறு இல்லை அதே நேரத்தில் கருத்து சுதந்திரம் என்ற பெயரில் வேறு ஒரு சமூகத்தை பற்றி தவறாக சித்தரித்து இது கருத்து சுதந்திரம் என்று ஜல்லி அடித்தால் அதை  ஒரு போதும் ஏற்றுக் கொள்ள முடியாது.  

கமல் தான் விரும்பிய அனைத்தையும் சொல்லும் உரிமை  இருக்கிறது. அது எதுவரை என்றால் மற்றவர்களின் மனதை புண்படுத்தாத வரை  மட்டுமே. கருத்து சுதந்திரத்தை பற்றி பேசுபவர்கள் முதலில் இதை புரிந்து  கொள்ள வேண்டும்.  

முஸ்லீம்களே வன்முறையை ஆதரிகாதீர்..!

முஹமது அவர்களை கீழ்தரமாக சித்தரித்து அமெரிக்காவில் ஷாம்பெஷிலி என்ற திரைப்பட இயக்குனரும், டெர்ரி ஜோன்ஸ் என்ற கிறிஸ்தவ போதகரும் சேர்ந்து 'இன்னொசன்ஸ் ஆப் முஸ்லிம்ஸ்' என்ற படத்தை எடுத்துள்ளனர். அதன் 13 நிமிட வீடியோ காட்சி யுட்யூபில் வெளியாகியுள்ளது. இத்ற்கு உலகம் முளுவதும் உள்ள முஸ்லீம்கள் அனைவரும் கண்டனம் தெரிவிக்க தொடங்கி உள்ளனர். பல இடங்களில் போராட்டம் நடத்தி வருகின்றனர். மற்றவர்களுக்கு வேண்டுமானால் இது ஒரு சாதரன நையாண்டி செய்யப்பட்டு எடுக்க பட்டதாக தோன்றலாம். ஆனால் முஸ்லீம்களை பொருத்தவரைக்கும் அவர்களின் மத உனர்வை புன்படுத்தும் விதத்தில் இது அமைந்து உள்ளது. நாமும் அவர்களின் மத உனர்வை மதித்து நமது கண்டனங்களை தெரிவித்து கொள்கின்றோம்.

　

அதே நேரத்தில் ஒரு அமேரிகன் செய்த தவறுக்காக உலகில் உள்ள அனைத்து அமேரிக்க தூரகமும் தாக்க படுவது கண்டிக்க தக்கது. லிபியாவில் அமெரிக்க தூதரகம் தாக்க பட்டது மட்டும் அல்லாது அமெரிக்க தூதரும் கொல்லபட்டுள்ளார். ஒரு அமெரிக்கன் செய்த தவறுக்கு இந்த அமெரிக்க தூதர் கொல்ல படுவது எந்த விததில் சரியானதாக இருக்க முடியும். கொல்ல பட்டவருக்கு பின்னால் அவருக்கும் ஒரு குடும்பம் இருக்கும் மனைவி மக்கள் இருக்க கூடும் அவர்களுக்கு இந்த முஸ்லீம்கள் சொல்லும் பதில் என்ன. கொல்லபட்டவரின் மனைவியும் அவர்களின் குழந்தைகளும் ஒரு தந்தையை இன்று இழந்து நின்று கொண்டு உள்ளனர் அவர்களுக்கு இவர்கள் சொல்லும் பதில் என்ன. நான் அந்த அமெரிக்கன் உங்கள் மத உனர்வை புன்படுத்தும் விததில் படம் எடுத்தது தவறு. அதை நானும் ஒத்து கொள்கின்றேன். ஒருவன் செய்த தவறுக்கு மற்றொருவரை கொல்வதை எப்படி நியாபடுத்த முடியும்.

　

இஸ்லாமியர்கள் பொதுவாக ஒரு வாதத்தை முன் வைபார்கள். உலகில் இஸ்லாதின் பெயரால் நடக்கும் தீவிர வாததிற்கும் இஸ்லாதிற்க்கும் எந்த சம்பந்தமும் இல்லை. இஸ்லாதை தவறாக புரிந்து கொண்ட சிலர் செய்யும் இது போன்ற காட்டு மிராண்டி தனமான செயல்களுக்கு ஒட்டு மொத்த இஸ்லாமியர்களை குறை கூருவது சரி அல்ல. எல்லா இஸ்லாமியர்களும் வன்முறையை ஆதரிக்க வில்லை என கூறுவார்கள். இது உன்மையும் கூட இந்த கருத்தை நான் ஆமோதிகின்றேன். இஸ்லாம் என்ற பெயாரால் ஒரு சிலர் செய்யும் குற்றதிற்கு எப்படி ஒட்டு மொத்த இஸ்லமியரும் இஸ்லாமும் பொருப்பு இல்லையோ அதே போல் ஒரு அமேரிக்கன் செய்த தவறுக்கு ஒட்டு மொத்த அமேர்க்க தூதர்கங்களை தாக்குவதும் அங்கு இருபர்வளை கொல்வதும் எப்படி சரியாக இருக்க முடியும். இஸ்லாமியர்கள் தீவிர வாததிற்க்கு கூறும் அதே அளவு கோல் இதற்க்கும் பொருந்துமே இதை ஏன் இஸ்லாமிய நன்பர்கள் சிந்திபது இல்லை. லிபியாவில் நடந்ததற்கும் எங்களுக்கு எந்த சம்பந்தமும் இல்லை என தமிழ் இஸ்லாமிய நன்பர்கள் கூறக் கூடும். நேற்று சென்னையில் அமெரிக்க தூதரகம் தாக்க பட்டுள்ளது. நல்ல வேளை உயிர் சேதம் ஏற்பட வில்லை. நீங்கள் போராடுங்கள் அதை நான் ஒரு போதும் குற்றமாக சொல்ல வில்லை. உங்களின் உனர்வுகளுக்கு நானும் மதிப்பளிகின்றேன். ஆனால் வன்முறையில் இரங்குவது என்பது எந்த விததிளும் நியாயமாக இருக்க முடியாது. போராடுங்கள் உங்களின் கண்டனங்களை தெரிவியுங்கள் அதை அமைதியான முரையில் செய்யுங்கள். அதுதான் உங்களின் மதிப்பை மற்றவர்களிடம் அதிகரிக்க செய்யும்.

　

எனக்கு தனிபட்ட முறையில் அமெரிகா மீதும் அதன் வெளியுரவு கொள்கை மீதும் நல்ல அபிப்ராயம் கிடையாது, அவர்கள் மத்திய கிழக்கில் இருக்கும் எண்ணெய் வழதால் தமது காலனியாதிக்கதை செலுத்த முயல்வதை நானும் கண்டிக்க கூடியவன் தான் அதே நேரதில் ஒருவன் செய்த குற்றத்திற்காக வேறு ஒருவனை தண்டிப்பது என்னால் ஏற்று கொள்ள முடியவில்லை. முஸ்லீம் சமூகம் இனியாவது சிந்திக்க வேண்டும்.


 

தனியார் பள்ளிகளின் அலட்சியம்...!

த‌‌னியா‌ர் ப‌ள்‌ளி பேரு‌‌ந்‌தி‌ல் இரு‌ந்து ‌கீ‌ழே ‌விழு‌ந்த மாண‌வி ஒருவ‌ர் ப‌லியான ச‌ம்பவ‌‌ம் த‌மிழக‌ம் முழுவது‌ம் பெரு‌ம் அ‌தி‌ர்‌ச்‌சியை ஏ‌ற்படு‌த்‌தியு‌ள்ளது. பேரு‌ந்த‌ி‌ல் இரு‌ந்த ஓ‌ட்டையே மாண‌‌விய‌ி‌ன் உ‌யிரை ப‌றி‌த்தது கொடுமை‌யிலு‌ம் கொடுமை. இ‌ந்த அல‌ட்‌சிய‌த்து‌க்கு பேரு‌ந்தை ஆ‌ய்வு செ‌ய்த அ‌திகா‌‌ரிகளா? த‌மிழக அரசா? எ‌ன்ற ‌வினா ம‌க்க‌ள் ம‌த்‌தி‌யி‌ல் எழு‌ந்து‌ள்ளது.

சென்னையை அடுத்த தாம்பரம் அருகே உள்ள முடிச்சூர் வரதராஜபுரம் பரத்வாஜ் நகரை சேர்ந்த மாதவன்- ‌பிரியா த‌ம்ப‌தி‌க்கு பிரனவ் என்ற மகனும், சுருதி (6) என்ற மகளும் உள்ளனர். பிரனவ் அரு‌கி‌ல் உ‌ள்ள பள்ளியில் 5ஆ‌ம் வகுப்பு படித்து வருகிறான். சுருதி சேலையூரில் உள்ள சியோன் மெட்ரிக்குலேஷன் பள்ளியில் 2ஆ‌ம் வகுப்பு படித்து வந்தாள்.

தினமும் பள்ளிக்கூட‌த்து‌க்கு ப‌ள்‌ளி பேரு‌ந்‌தி‌ல் சென்று வருவா‌ள் சுரு‌தி. வழக்கம்போல நே‌ற்று பள்ளிக்கு சென்று விட்டு, மாலையில் பேரு‌ந்த‌ி‌ல் ‌வீ‌‌ட்டி‌ற்கு வ‌ந்து கொ‌ண்டிரு‌ந்தா‌ர். டிரைவர் இருக்கைக்கு பின்னால் 6வது வரிசையில் உள்ள இருக்கையில் அம‌ர்‌ந்‌திரு‌ந்த சுரு‌தி, இருக்கையின் அடிப்பகுதியில் இரு‌ந்த பெரிய ஓட்டை ஒ‌ன்று இரு‌ந்து‌ள்ளது. அ‌ந்த ஓ‌ட்டையை சாதாரண பலகை வை‌த்து மூட‌ப்ப‌ட்டு‌ள்ளது. அதுவு‌ம் பலகை அசையாம‌ல் இரு‌க்க ஆ‌ணி எதுவு‌ம் அடி‌க்க‌வி‌ல்லை. பேரு‌ந்து வேகமாக ‌திரு‌ம்‌பியபோது பலகை ‌வில‌கி அ‌ந்த ஓ‌ட்டை‌யி‌ன் வ‌ழியே ‌கீழே ‌விழு‌ந்து‌வி‌ட்டா‌ள் சுரு‌தி. அப்போது பேரு‌ந்‌தி‌ன் சக்கரம் தலையில் ஏறி இறங்கியதில் சம்பவ இடத்திலேயே மூளை சிதறி பரிதாபமாக இறந்து‌வி‌ட்டா‌ள் சுரு‌தி.

சாலையில் மாணவி ரத்த வெள்ளத்தில் பிணமாக கிடந்ததை பா‌ர்‌த்த பொதுமக்கள் அதிர்ச்சி அடைந்ததோடு டிரைவரை பிடித்து அடி‌த்து உதை‌த்தன‌ர். கொ‌தி‌ப்‌பி‌ல் இரு‌ந்த பொதும‌க்க‌ள் மாணவ-மாணவிகளை கீழே இறங்கினர். ‌பி‌ன்ன‌ர் பேரு‌ந்தை ‌தீ வை‌த்து கொழு‌த்‌தின‌ர். த‌ன்னுடைய ‌பி‌ள்ளை இறந்த தகவல் கேட்டு ஓடோடு வ‌ந்த பெ‌ற்றோ‌ர், மக‌ளி‌ன் உடலை பா‌ர்‌த்து கத‌றி அழுதன‌ர்.

பள்ளி பேரு‌ந்‌தி‌ல் ஓட்டை இருந்தும் அதை கவனிக்காமல் மாணவியின் உயிரை பறித்த சம்பவத்துக்கு பள்ளி நிர்வாகத்தின் அலட்சிய போக்கே காரணம். இத‌ி‌ல் வேடி‌க்கை எ‌ன்னெ‌‌ன்றா‌ல், 20 நா‌ட்களு‌க்கு மு‌ன்பு தா‌ன் பேரு‌ந்து எ‌‌ப்‌சி செ‌ய்ய‌ப்ப‌ட்டு‌ள்ளது. மோ‌ட்டா‌ர் வாகன ஆ‌ய்வாள‌ர் பேரு‌ந்‌து ச‌ரியான க‌ட்டு‌ப்பா‌ட்டி‌‌ல் இரு‌க்‌கிறதா எ‌ன்று ஓ‌ட்டி‌ப்பா‌ர்‌க்க வே‌ண்டு‌ம். ஆனா‌ல், அவரோ எதையு‌ம் செ‌ய்யாம‌ல் பேரு‌ந்து‌‌க்கு ஓகே சொ‌ல்‌‌லி‌வி‌ட்டா‌ர். இத‌ற்கு காரண‌ம் ல‌ஞ்ச‌ம் எ‌ன்று‌ம் கூறப்படு‌கிறது.

மேலு‌ம் ஒரு அ‌தி‌ர்‌ச்‌சி தகவ‌ல் வெ‌ளியா‌கியு‌ள்ளது. ‌சீயோ‌ன் மெ‌ட்‌ரி‌குலே‌‌ச‌ன் ப‌ள்‌ளி‌‌யி‌ன் தலைமை அலுவலக‌ம் சேலையூ‌ர் இ‌ந்‌திராநக‌ரி‌ல் உ‌ள்ளது. மாட‌‌ம்பா‌க்க‌ம், செ‌ம்பா‌க்க‌த்த‌ி‌‌ல் இ‌‌ந்த ப‌‌ள்‌ளி‌க்கு சொ‌ந்தமாக ப‌ள்‌‌ளிக‌ள் உ‌ள்ளது. மேலு‌ம் சேலையூ‌ரி‌ல் ஆ‌ல்‌வி‌ன் மெமோ‌ரிய‌ல் எ‌ன்ற பெய‌ரி‌ல் ‌சி‌பிஎ‌ஸ் ப‌ள்‌ளியாக செ‌யல்படு‌கிறது.

இ‌ந்த ப‌ள்‌ளிக‌ளி‌ல் ‌கிழ‌க்கு தா‌ம்ப‌ர‌ம், மே‌ற்கு தா‌ம்பர‌ம், சேலையூ‌ர், ‌சி‌ட்ல‌ப்பா‌க்க‌ம், மாட‌ம்பா‌க்க‌ம், செ‌ம்பா‌க்க‌ம், மேடவா‌க்க‌ம், ச‌ந்தோ‌ஷபுர‌ம், முடி‌ச்சூ‌ர், ம‌ணிம‌ங்கல‌ம், பட‌ப்பை, வ‌ண்டலூ‌ர், கூடுவா‌ஞ்சே‌ரி, குரோ‌ம்பே‌ட்டை, ப‌ள்‌ளி‌க்கரணை உ‌ள்‌ளி‌ட்ட ப‌ல்வேறு பகு‌திக‌ளி‌ல் இரு‌ந்து 4 ஆ‌யிர‌‌த்‌தி‌‌ற்கு‌ம் மே‌ற்ப‌ட்ட மாணவ - மாண‌விக‌ள் படி‌‌த்து வரு‌கி‌ன்றன‌ர்.

இ‌ந்த மாணவ - மாண‌விகளை அழ‌ை‌த்து வரவு‌ம், ‌வீ‌ட்டி‌ல் கொ‌ண்டு ‌விடவு‌ம் ப‌ள்‌ளி பேரு‌ந்து, வே‌ன், ‌மி‌னி வே‌ன், டாடா மே‌ஜி‌க் என 100‌க்கு‌ம் மே‌ற்ப‌ட்ட வாகன‌ங்க‌ள் உ‌ள்ளன. ‌சில த‌னியா‌ர் வாகன‌ங்களை வாடகை‌க்கு எடு‌த்து‌ம் மாணவ‌ர்களை அழை‌த்து செ‌‌ல்‌கிறது ப‌ள்‌ளி ‌‌நி‌ர்வாக‌ம். இ‌த‌ற்காக மாணவ‌ர்க‌ளிட‌ம் இரு‌ந்து ஆ‌யிர‌க்கண‌க்‌கி‌ல் பண‌த்தை வசூ‌ல் செ‌ய்யு‌ம் ப‌ள்‌ளி ‌நி‌ர்வாக‌ம், பேரு‌ந்துகளை ச‌ரியாக பராம‌ரி‌ப்பது இ‌ல்லை எ‌ன்று பு‌கா‌ர் கூற‌ப்படு‌கிறது.

ப‌ள்‌ளிக‌ள் ‌திற‌ந்தவுட‌ன் ப‌ள்‌‌ளி வாகன‌ங்க‌ளி‌ல் சோதனை செ‌ய்‌கி‌ன்றன‌ர் போ‌க்குவர‌த்துறை அ‌திகா‌ரிக‌ள். சோதனை‌யி‌ன் போது வாகன‌ங்க‌ளி‌ன் ‌‌கிய‌ர் பா‌க்‌ஸ், ‌பிரே‌க், இரு‌க்கைக‌ள், க‌ண்ணாடிக‌ள், லை‌ட்டுக‌ள், அளவு‌க்கு அ‌திகமாக மாணவ‌ர்களை ஏ‌ற்‌றி செ‌ல்‌கிறா‌ர்களா எ‌ன்பது கு‌றி‌த்து ஆ‌ய்வு நட‌த்த‌ப்பட வே‌ண்டு‌ம். ஆனா‌ல் ‌அ‌திகா‌ரிக‌ள், பேரு‌ந்து உ‌ரிமையாள‌ர்க‌ளிட‌ம் ல‌ஞ்ச‌‌ம் வா‌ங்‌கி‌க் கொ‌ண்டு இவ‌ற்றையெ‌ல்லா‌ம் க‌ண்டுகொ‌‌ள்வ‌தி‌ல்லை.

.

கேள்விக் குறியான மக்களாட்சி..!

ஒரு மக்களாட்சி நடை பெரும் நாட்டில் அந்த நாட்டை ஆளும் அரசு எடுக்கும் எந்த கொள்கை முடிவுகளையும் அன்நாட்டு குடிமக்கள் அனைவரும் ஆதரித்து ஆகவேண்டும் என்பது கட்டாயமில்லை. அப்படி கட்டாய படுத்தினால் அது ஜனனாயக நாடாக இருக்க முடியாது. அரசு எடுத்த முடிவு நல்லதாக அந்த மக்களுக்கு தெரிந்தால் ஆதரிக்கலாம். அது அந்த மக்களுக்கு தவறாக தெரிந்தால் அதை எதிர்த்து போராடலாம். அந்த போராட்டத்துக்கான அலவு கோல் என்பது வன்முறையில் இறங்காமல் அமைதியான முறையில் உன்னாவிரதம், பேரணி, கண்டன ஆர்ப்பட்டங்கள் இப்படி எந்த முறையில் வேண்டுமானாலும் போராடலாம். அவர்கள் வன்முரையில் மட்டும் இறங்க கூடாது. இதுதான் மக்களட்சி தத்துவத்தின் ஆனிவேர். வன்முறையில் இறங்காமல் அறவழியில் போராட அவர்களுக்கு முழு உரிமை உள்ளது. இதை இந்திய அரசியல் சாசன சட்டமும் உறுதி படுத்துகின்றது.

ஒரு சாரார் கூடங்குளத்தில் அனு உலையை எதிர்த்து போராடுகின்றனர். மற்றொரு சாரார் அனு உலை பாதுகாப்பானது என்று கூறுகின்றனர். அனு உலை பாதுகாப்பானதா இல்லையா என்பது நமக்கு தேவையில்லை. அதை பற்றி விவாதிக்க வேண்டாம். இந்திய அரசின் எந்த ஒரு திட்டத்தையும் மக்களுக்கு பிடிக்க வில்லை என்றால் அதை எதிர்த்து போராட அவர்களுக்கு உரிமையுள்ளது. எதுவரை என்றால் அவர்கள் வன்முரையில் இறங்காது இருக்கும் வரை. அவர்களின் போராட்டம் என்பது அவர்களுக்கு அரசியல் சாசனம் கொடுத்துள்ள உரிமை. அதை பறிக்க யாருக்கும் உரிமை இல்லை. அவர்கள் வன்முறை சம்பவத்தில் ஈடுபட்டால் அவர்களை ஒடுக்க அரசுக்கும் காவல் துறைக்கும் அதிகாரம் உள்ளது. ஆனால் நான் கண்ட வரையில் இந்து முன்னயினர் மற்றும் காங்கிரஸ் காரர்களால் மாவட்ட ஆட்சியர் அழுவலகம் முன்பு அவர்கள் தாக்கப்பட்டது தவிற அவர்களின் போராட்டத்தில் கடந்த ஏழு மாதமாக எந்த வன்முறையும் நிகழ்ந்ததாக தெரியவில்லை.

 

அப்படி இருக்கும் பொழுது கூடங்குளம் போராட்டத்தை ஒடுக்கும் வகையில் காவல் துறை மற்றும் துனை ரானுவமும் அந்த பகுதியில் முகமிட்டு 144 தடை உத்தரவு பிரபித்துள்ளது எந்த வகையில் நியாயமானதாக இருக்க முடியும். அந்த மக்களுக்கு உனவு தண்ணீர் போன்ற அத்தியாவசிய பொருற்கள் கிடைக்காமல் தடை செய்து இருப்பதை பார்க்கும் பொழுது இது ஜனனாயக நாடா அல்லது சர்வாதிகார நாடா என்ற ஐயம் எழுகின்றது. மக்கள் அறவழியில் போராடுவது அவர்களின் உரிமை அதை அரசு காவல் துறையை ஏவி அடக்க முற்படுவது ஜனாயகம் என்ற அமைப்பை குழி தோண்டி புதைப்பதை போல் உள்ளது.

ஆளும் அரசின் ஜனனாயகத்தை குழிதோண்டி புதைக்க நினைக்கும் இந்த செயலை கண்டித்து எந்த அரசியல் கட்சியும் ஒரு கண்டனத்தை கூட தெரிவிக்க வில்லை என்பதுதான் உச்ச கட்ட கொடுமை. போராட்ட காரர்கள் அனு உலையை எதிர்த்து போராடுவது தவறாக கூட இருக்கலாம் ஆனால் அந்த போராட்டத்தை இப்படி அரசு ஒடுக்க நினைப்பது மக்களாட்ட்சி தத்துவத்திற்க்கு ஒரு தவறான முன்னுதாரனம் ஆகி விடாதா? இது மக்களாட்சி என்ற பதத்தை பதம் பார்த்து விடாதா? அந்த மக்களின் போராட்டம் தவறு. அனு உலையை துவங்கினால்தான் மின் பற்றா குறையை சரி செய்ய முடியும். நாட்டின் பொருளாதார வளர்ச்சிக்கு அனு உலை தேவையானது என்று அரசு கருதும் பட்சத்தில் அதை மக்களுக்கு புறிய வைப்பது அரசின் கடமை. மக்களுக்கு தெளிவாக அனு உலையால் எற்படும் நன்மைகளை அந்த மக்களுக்கு தெரியபடுத்தி அனு உலைபாதுகாப்பானது என்பதை அந்த மக்களும் நிருபித்து அந்த மக்களின் அச்சைத்தை போக்க வேண்டும் அதை விடுத்து காவல் துறையை ஏவி போராட்டைத்தை ஒடுக்குவது மக்களாட்சி என்ற ததுவத்தை குழி தோண்டி புதைபதற்க்கு சமம்.

டாஸ்மாக்கும் இன்றைய மாணவர்களும்..!

நமது இளைய சமுதாயம் எதை நோக்கி சென்று கொண்டு இருகின்றது என்பதே புரியவில்லை. காஞ்சிபுரத்தில் ஒன்பதாவது படிக்கும் மானவன் பீர் பாட்டிலை வாங்கி இடுப்பில் வைத்து கொண்டு சைகிளில் செல்லும் பொழுது பீர் பாட்டிலில் உள்ள கேஸ் அழுத்ததின் காரனமாக பாட்டில் வெடித்து அந்த மானவன் இறந்துள்ளன். இந்த சம்பவத்தை பார்க்கும் பொழுது நம்மை ஆண்ட முன்னால் முதவரும் இன்னால் முதல்வரும் நம் மக்களுக்கும் நமது மானவ சமுதாயத்திற்கும் சேவை செய்யும் விதமாக
டாஸ்மாக்கை ஊருக்கு ஊர் திறந்து நமக்கு ஆற்றிய பணியை தஞ்சாவூர் கல்வெட்டில் தான் பதிய வேண்டும்.

மதுவினால் நமது மானவ சமுதாயம் சீர்கெட்டு போயுள்ளது என்பதை நான் இந்த சம்பவத்தை மட்டும் வைத்து சொல்ல வில்லை. அரசே மதுபான கடைகளை ஊருக்கு ஊர் திறக்கும் முன்பு மது என்பது சமுதாயத்தில் மிக பெரிய குற்றமாக பார்க்கப்பட்டது. டாஸ்மாக்கை அரசு ஆரம்பிக்கும் முன்பு வரை ஒயின்சாப் என்பது அனைத்து ஊரிலும் இருக்காது. சுற்றியுள்ள அனைத்து கிராமங்களுக்கும் சந்தை பகுதியாக இருக்கும் நகர பகுதிகளில் மட்டும் தான் இருக்கும்.அங்கு அனைவரும் சென்று நினைத்த நேரத்தில் மது வாங்க முடியாது. கிராமங்களில் ஊருக்கு ஒதுக்கு புறம் மறைவாக சாரய கடைகளும் வெயில் காலங்கலில் கள்ளு கடைகளும் இருக்கும். அந்த கடைகளுக்கு இப்பொழுது டாஸ்மாக் கடைக்கு யார் வேண்டுமானாலும் போவது போல் போக முடியாது. வழக்கமாக வருபவர்கள் மற்றும் தெரிந்தவர்கள் சென்றால் தான் தருவார்கள் யாரும் புதியவர்கள் சென்றால் தரமாட்டார்கள். காரனம் அந்த கடைகள் அரசுக்கு தெரியாமல் சட்டத்திற்க்கு புறம்பாக நடத்த படுபவை. புதியவர்களுக்கு யார் என்று தெரியாமல் விற்றால் அவர்கள் கடை காவல் துறைக்கு தெரிந்து விட வாய்ப்பு இருகின்றது என்ற அச்சம். அங்கு மானவர்கள் சென்று வாங்க நினைப்பது என்பது இயலாத காரியம்.

நான் மானவனாக இருக்கும் பொழுது பள்ளி சீருடை தைப்பதற்காக அருகாமயில் உள்ள நகர் பகுதியில் ஒரு தையற்கடைக்கு சென்ற பொழுது அந்த கடையில் இருந்தவர் மற்றொருவருடன் யேதோ பேசிக்கொண்டிறுக்கும் பொழுது அவர்களின் பேச்சின் ஊடாக ஒரு மது பாட்டில் விலை முப்பது ரூபாய் (பீரா அல்லது மற்ற வகை மதுவா என்பது அந்த வயதில் எனக்கு தெரிய வில்லை) என்பதை தெரிந்து கொண்டேன். இன்றுவரை அது என் நினைவில் மறக்காமல் இருகின்றது. இங்கு ஒரு விசயத்தை நாம் கவனிக்க வேண்டி உள்ளது. அன்றைக்கு ஒரு பீரின் விலை முப்பது ரூபாய். என்னை போன்ற மானவர்களின் பாகெட் மனி (வாங்கி திங்க காசுன்னு சொல்லுவாங்க). நான் பத்தாவது படிக்கும் வரை எனக்கு வீட்டில் தருவது ஒரு ரூபாய் அல்லது இரண்டு ரூபாய். எனக்கு மட்டுமல்ல என்னுடன் படித்த பெரும்பாலான மானவர்கள் கொண்டு வரும் காசு அவ்வள்ளவே. ஏதாவது பண்டிகை வந்தால் தான் பதினைந்து அல்லது இருபது ரூபாய் முழுதாக பார்க்க முடியும். அந்த காசை வைத்து நாங்கள் நினத்தாலும் எந்த மதுவும் வாங்க முடியாது. அப்படியே ரெண்டு மூனு பேரு சேர்ந்து காசு போட்டு வாங்க நினைத்தாலும் எந்த மதுபான கடையும் எங்கள் அருகாமயில் இருக்காது. அதற்காக டவுனுக்கு போய் வாங்கி வரும் அளவுக்கு எங்களுக்கு தைரியமும் இருந்தது இல்லை. இதுதான் டாஸ்மாக் திறக்கும் வரை இருந்த நிலை.

அன்றைக்கு ஒரு பீர் முப்பது ரூபாய் இன்று ஒரு பீர் அருபதில் இருந்து என்பது வரை இந்த பதினைந்து வருடத்துக்கு ஒன்று முதல் ஒன்னறை பங்கு வரை விலை உயர்ந்துள்ளது. இது சரியான அலவில் தான் உயர்ந்துள்ளது. ஆனால் ஒரு ரூபாய்யும் இரண்டு ரூபாயுமாக கொடுத்து கொண்டிருந்த பாகெட் மனி மேற்கூறிய சதவிகிததில் தான் கூடியுள்ளதா. இன்று படிக்கும் பசங்களிடம் இரண்டு ரூபயோ அல்லது நாங்கு ரூபாயோ பாகெட் மனியாக கொடுக்க முடியுமா. நாம் நூரு இறுனூரு என சாதரனமாக கொடுக்கும் நிலை உள்ளது. அன்று போல மதுபான கடைக்கு போக எந்த சிரமமும் இல்லாமல் அரசே அவர்களுக்கு அருகாமையில் மதுபான கடையை திறந்துள்ளது. இப்படி மானவர்கள் தப்பு பன்னுவதற்க்கான எல்லா வழிகளையும் நாமும் நமது அரசும் திறந்து விட்டிருக்கும் பொழுது மானவர்கள் தவறு செய்ய்யதான் செய்வார்கள்.

இந்த மானவ பருவம் அனைத்து விசயத்தயும் கற்று கொள்ள துடிக்கும் வயசு. அவர்களுக்கு நல்லது எது கெட்டது எது என தெரியாது. அவர்களை நல்வழிபடுத்த வேண்டியது நமது கடமையும் அரசின் கடமையுமே தவிர இதில் வேரு யாரை குற்றம் சொல்ல முடியும்.

கூடான்குளமும் அமெரிக்க பணமும்..!

கூடாங்குளம் அனு மின் நிலயத்தை எதிர்த்து போராடும் மக்களுக்கு தலைமை தாங்கும் உதயகுமார் என்பவருக்கு அமேரிக்காவில் தொண்டு நிறுவனம் என்ற பெயரில் செயல் படும் சில அமைப்புகள் மூலமாக பணம் வருகிரது என்று கூறி இருப்பது யாரோ சாமானியனின் கூற்று அல்ல இந்திய பிரதமர் மன்மோகன் சிங் தான் பத்திரிக்கையாளர்களுக்கு முன் மேற்க்கண்டவாறு கூறியுள்ளார்.

தங்கள் போராட்டத்தை கொச்சை படுத்தும் விதமாக பிரதமர் தங்கள் மீது பொய்யான குற்றச்சாட்டை சுமத்தியுள்ளதாகவும் அதை பிரதமர் அவர்கள் நிருபிக்க வேண்டும். என்றும் அவ்வாறு நிருபிக்க வில்லையெனில் பிரதமர் மற்றும் அமைச்சர் நாராயன சாமி மீதும் வழக்கு போடுவேன் என்றும் உதயகுமார் கூரியுள்ளார்.இந்த நிலையில் ரஷ்ய தூதர் தாங்கள் நினைத்தது போல இந்த போராட்டதிற்கு பின்னால் அமேரிக்கவின் கை உள்ளது என்பது இந்திய பிரதமரின் அரிக்கை மூலம் நிருபனமாகியுள்ளது என கூரியுள்ளார்.

இந்த விசயத்தில் நாம் ஒன்றை கூர்ந்து கவனிக்க வேண்டியுள்ளது. அமேரிக்காவில் இருந்து பனம் வந்துள்ளது என கூறுவது யாரோ ஒரு சாமனியனோ அல்லது தினமலர் போன்ற கூலிக்கு மாரடிக்கும் பத்திரிக்கையோ அல்ல இந்தியாவின் பிரதமர்.இந்தியாவின் அனைத்து அதிகாரங்களும் படைத்தை பாரத பிரதமர். இந்தியாவில் அரசுக்கு எதிராக போராடும் சிலருக்கு அமேரிக்காவில் இருந்து பனம் வருகின்றது என்பதை தெரிந்து இருக்கும் பொழுது அதற்கான அனைத்து ஆதாரங்களையும் ஒன்று திரட்டி உதயகுமாரை கைத்து செய்து நீதிமன்றத்தில் அவருக்கு எதிரான ஆதாரங்களை சமர்பித்து அவருக்கு தண்டனை வாங்கி தருவது ஒரு நாட்டின் அரசுக்கும் அந்த அரசை வழி நடத்தும் பிரதமருக்கும் பெரிய விசயமல்ல அதை விடுத்து ஒரு சிறு பிள்ளை செய்வது போல அறிக்கை விட்டுக் கொண்டு இருப்பதை பார்க்கும் பொழுது பிரதமர் சுய நினைவோடுதான் இருக்கின்றாரா என்ற என்னம் எழுகின்றது.

கூடங்குளத்தில் போராட்டம் நடத்துபவர்கள் அந்த போராட்டத்தில் கலந்து கொள்பவர்களுக்கு பனம் கொடுப்பதாக ஒரு செய்தி உலவிகொண்டு உள்ளது. அதே நேரத்தில் கூட்டம் கூட்ட வேண்டுமென்றால் பனம் கொடுத்து கூட்டத்தை கூட்டுவது சாத்தியம். ஆனால் ஒரு நாட்டின் அரசை எதிர்த்து போராட்டம் நடத்துவதற்கு மக்களை பனம் கொடுத்து கூட்டுவது என்பது இயலாத காரியம். மக்களுக்கு உன்மையில் அரசின் நடவடிக்கை பிடிக்காத பிடிக்காத நிலை இருந்தால் தான் பின் விளைவுகளை பற்றி கவலை படாமல் போராட முன்வருவார்கள்.ஒரு நாட்டின் அரசை எதிர்த்து போராடினால் என்ன என்ன பின்விளவுகள் வரும் என்பது நாம் அனைவருக்கும் தெரியும். அப்படி இருக்கும் பொழுது நாட்டின் அரசங்கத்தை எதிர்த்து போராட கூலிக்கு பனம் பெருபவர்கள் வருவார்களா என்பது ஐய்யமே.

அமேரிக்கவில் இருந்து பணம் பெற்று இருப்பதாக கூறப்படும் உதய குமார் என்பவர் மீது சட்டபடி நடவடிக்கை எடுப்பதை விடுத்து. இவ்வாறு நடந்துள்ளது என பத்திரிக்கைகளுக்கு கூறுவதன் நோக்கம் போராடும் மக்களை திசை திருப்ப வேண்டுமென்பதாக இருக்குமோ என்ற ஐய்யம் எழுவதை தவிற்க முடியவில்லை. உதயகுமார் என்பவர் தம்மீது பொய்யான குற்றச் சாட்டு சுமத்தப்படுள்ளது அதை நிறுபிக்க வில்லயெனில் பிரதமர் மீது அவதூறு வழக்கு போடுவேன் என்று கூறியும் அவர் குற்றத்தை நிறுபிக்க எந்த நடவடிக்கயும் எடுத்ததாக தெரியவில்லை. உன்மையில் இந்த போராட்டத்திற்கு அமேரிக்கவில் இருந்து பனம் வந்ததா? அல்லது மக்களை திசை திருப்ப வேண்டுமென்பதற்காகவா?

வங்கி ஊழியர்கள் மட்டும் வானிலிருந்தா குதித்தார்கள்?

மக்கள் தங்கள் சேமிப்புகளை அரசு வங்கியில் சேமிப்பது பெரிய வட்டி கிடைக்கும் என்ற நோக்கில் அல்ல. அப்படி பெரிய வட்டி வேண்டுமென்றால் தனியார் நிதி நிறுவனங்களில் சேமைத்து இருப்பார்கள். அவர்கள் அரசு வங்கியில் சேமிபதன் நோக்கம் வட்டிக்க அல்ல தாம் கஷ்ட்டப்பட்டு கொஞ்சம் கொஞ்சமாக சேமித்த பணம் வீட்டி வைத்திருப்பது பாதுகாப்பானது அல்ல. அதை அரசு வங்கில் செமித்து வைத்தால் அதை அரசிடமே கொடுத்து வைப்பது போன்றது. நமது பணத்துக்கு அரசே பாதுகாப்பு கொடுக்கும். அரசின் பாதுகாப்பும் மற்றவர்களின் பாதுகாப்பை விட சிறந்ததாக இருக்கும் என்ற நம்பிக்கையில் தான்.


ஆனால் மக்களின் எதிர்ப்பார்ப்பை வங்கிகள் நிரைவேற்றுகின்றனவா என்றால் இல்லை என்றுதான் சொல்ல வேண்டும். முதலில் வங்கி ஊழியர்கள் தமது வடிக்கையாலர்களிடம் நடந்து கொள்ளும் முறை மிகவும் கண்டிக்க தக்க முறையில் இருகின்றது. இதை நானே நேரடியாக பார்த்துளேன். இந்தியன் ஒவர்சீஸ் வங்கியில் ஒரு எழுபது வயது மதிக்க தக்க முதியவர் பென்சன் வாங்குவதர்க்காக வந்திருப்பார் போல. அந்த முதியவர் வங்கி ஊழியரிடம் தமது கனக்கு புத்தகத்தை நீட்டியவாரு தமக்கு பென்சன் வந்து விட்டதா என கேட்டார். அதற்க்கு அந்த வங்கி ஊழியர் அந்த பெரியவரின் கனக்கு புத்தகத்தை கூட கையில் வாங்காமல் "தேதி அஞ்சி தானே ஆவுது அதுகுள்ள நோட்ட தூக்கிகிட்டு வந்துட்ட போ போ போய் பதினஞ்சி தேதிக்கு மேல வா தொர என்னமோ பனத்த பேங்குள போட்டு வச்சிருக்க மாதிரி வந்துட்டாரு"  இந்த வார்த்தையை கேட்ட அந்த முதியவரின் முகம் வாடிவிட்டது. பொதுமக்கள் நிரைந்த அந்த பொது இடத்தில் தமக்கு ஏற்பட்ட அவமானத்தை என்னி எந்த அளவுக்கு அந்த முதியவர் கூனி குறிகியிருப்பார். வங்கி பனியில் இருந்து விட்டால் என்ன அவர்கள் வானில் இருந்தா குதிதார்கள். அந்த முதியவரும் அரசு பனியில் இருந்து ஓய்வு பெற்றவராகதான் இருக்க வேண்டும். நாளை இந்த வங்கி ஊழியரும் ஓய்வு பெரும் நாள் வரும் அந்த முதியவருக்கு வந்த நிலமை இந்த வங்கி ஊழியருக்கும் வேறொரு வங்கி ஊழியாரால் வரும் வறலாறு திரும்பும். தமிழகத்தில் வங்கியுடன் தொடர்பு வைத்திருக்கும் அனைவருக்கும் தெரிந்து இருக்கும். வங்கி நடவடிக்கையில் ஒரு படிவத்தை தவறாக பூர்த்தி செய்து கொடுத்துவிட்டால் போதும் அதற்கு அந்த ஊழியர் எப்படி நடந்து கொள்வார்கள் என்று.

அவர்கள் நாம் வங்கியில் போட்டு வைத்திருக்கும் பனத்தை வெளியில் வட்டிக்கு விட்டு தான் சம்பளம் வாங்குகின்றார்கள் என்பதை ஏனோ மறந்து விடுகின்றார்கள். நாம் அவர்களின் வங்கியில் கனக்கு வைக்கவில்லை என்றால் அவர்களுக்கு அங்கு வேலையே இருக்காது. ஏதாவது மலிகை கடைக்கு கனக்கு பிள்ளையாகதான் போக வேண்டுமென்பதை மறந்து செயல் படுகின்ரனர். அரசு பனியில் இருந்தால் என்ன மனிதாபிமானத்தை அரசு அழுவலகத்தின் வாசலில் புதைத்து விடுவார்களா?

அடுத்து வங்கியில் நாம் செமித்து வைக்கும் பனம் அங்கு பாதுகாப்பாக தான் உள்ளதா. சமீபத்தில் சென்னையில் ஒரு வங்கியில் பட்ட பகலில் கொல்லை சம்பவம் நடந்துள்ளது. அந்த வங்கியில் கங்கானிப்பு கேமராக்கள் கூட இல்லாமல் இருந்துள்ளது. காவல்துறை பல முறை வங்கியில் கண்கானிப்பு கேமராக்கள் பொருத்துங்கள் என்று அறிவுறித்தியும் கண்கானிப்பு கேமரா பொருத்த படவில்லை என காவல் துறை கூறுகின்றது. கண்கானிப்பு கேமரா பொருத்தாமல் இருந்ததால் பட்ட பகலில் நடந்த இந்த கொல்லை சம்பவத்தில் ஈடு பட்டவர்களை பிடிக்க முடியவில்லை. வங்கியில் திருடு போனதுகப்புறம் இப்பொழுது அங்கே கங்கானிப்பு கேமரா பொருத்துகின்றார்கள். கண் கெட்ட பிறகு சூரிய நமஷ்க்காரம் எதற்கு.

தீவிரவாதம் அதிகரிக்க யார் காரனம?

இன்றய கால கடத்தில் ஒவொறு நாடும் தங்களது நாட்டின் பாதுகாப்பு மற்றும் மின் தேவைக்காக யுரோனியத்தை செறிவூட்டும் நடவடிக்கையில் இறங்கி உள்ளன. இதில் எந்த நாட்டையும் நாம் குறை கூற முடியாது. அப்படி குறை கூறுவதாக இருந்தால் இந்தியாவும் அமெரிக்க எதிர்ப்பையும் மீறி அனு சோதனை நடதியது. அமெரிக்காவும் அமெரிக்கவின் அல்லக்கை நாடுகலும் பொருளாதார தடை வித்திதது.


அனு உலை வேண்டுமா வேண்டாமா என்பதில் நமக்கு இருவேறு கருத்துகள் இருந்தாலும் நாம் இந்தியா அனு சோதனை நடத்தியதை தவறு என்று சொல்ல முடியாது. அது நமது நாட்டின் பாதுகாப்பு பிரச்சினை என்பதால் நாம் அதை ஆதரித்துதான் ஆகவேண்டும். நமது நாட்டை சுற்றி இருக்கும் சீனா பாகிஸ்தான் போன்ற நாடுகளுக்கு நமது பலத்தை காட்டி அவர்களுக்கு ஒரு அச்சைதை ஏற்படுத்த வேண்டும் என்பதற்காகதான் அனு சோதனை நடத்டினோம் என்பதை மறுக்க முடியாது. நம் மீது பொருளாதர தடை வித்தித அமெரிக்க மற்றும் அதன் அல்லக்கை நாடுகலும் அனு ஆயுததை தயாரித்து வைத்துக்கொண்டும் யுரோனியத்தை செறிவூட்டும் பனியில் ஈடுபடுக்கொண்டே தான் நம் மீது பொருளாதார தடை விதித்தன.

இப்பொழுது ஈரான் யுரோனியத்தை செறிவூட்டுவதை அமேரிக்கா எதிர்கின்றது. ஈரான் அனு ஆயுத சோதனை நடத்துவது அந்த நாட்டின் உரிமை அதை சோதனை நடத்த கூடாதென்று சொல்ல அமெரிகாவுக்கு என்ன உரிமை இருகின்றது. ஈரான் அனு சோதனை நடதியது அனு ஆயுதம் தயாரிப்பதற்காக அல்ல மின்சாரம் தயாரிக்கதான் என்று தன்னிலை விளக்கம் அளித்துள்ளது. அந்த நாடு மின்சாரம் தயாரிதால் என்ன அனு ஆயுதம் தயாரித்தால் என்ன அது அந்த நாட்டின் உரிமை. அனு ஆயுதத்தை குவித்து வைத்திருக்கும் அமேரிக்கா அனுவை செரிவூட்டுவதை கண்டிக்க என்ன அருகதை இருக்கின்றது. ஈரான் அனுவை செரிவூட்டுகின்றதென்றால் அதன் அண்டை நாடான இஸ்ரேல் அனு ஆயுதம் வைத்துள்ளது

ஈரானுக்கும் இஸ்ரேலுக்கும் பிரச்சினை இருந்து வருவது உலகரிந்த விசயம் அப்படி இருக்கும் பொழுது தனது எதிரி நாடு பலமான ஆயுதம் வைத்திருக்கும் பொழுது ஈரானும் தனுது ரானுவத்தை பலபடுத்த வேண்டியது இன்றியமையாதது. அப்படி இருக்கும் பொழுது அமெரிக்கா எப்படி ஒரு நாட்டை அனு ஆயுதம் தயாரிக்க கூடாது என்று கூறிக்கொண்டு மற்றொரு நாட்டை அனு ஆயுதம் தயாரிக்க அனுமதிப்பது எந்த விதத்தில் நியாயமாக இருக்க முடியும்.

இப்படிதான் ஈராக்கும் பயங்கரமான ஆயுதம் வைத்திருகின்றது என்று கூறி அதன் மீது போர் தொடுத்தது. ஈராக் அயுதம் வைத்திருப்பது பெரிய குற்றமா அப்படி பார்த்தால் உலகில் உள்ள ஆயுதத்தில் எழுபது சதவிகிதம் வைத்திருக்கும் அமெரிக்கவுக்கு என்ன தண்டனை கொடுப்பது. சரி ஈராக் ஆயுதம் வைத்தைருந்தது என்ற காரனத்தை கூறித்தானே போர் தொடுத்தது. அப்படி என்ன ஆயுதத்தை ஈராக்கில் கண்டு பிடித்தது. லட்ச்சக் கனக்கான மக்களை கொன்று குவித்ததை தவிர அங்கு என்ன ஆயுத்ததை கண்டு பிடித்தது. எத்தைனை மக்கள் கை கால்களை இழந்து ஊனமானார்கள் இதற்கு அமெரிக்கா என்ன பதில் சொல்லப் போகின்றது. இபொழுத்து என்னவென்றால் ஈரான் அனு ஆயுதம் வைத்திப்பதாக கூறிக்கொண்டு அந்த நாட்டின் அருகாமையில் தனது அனு ஆயுத போர்கப்பலை நிறுத்தியுள்ளது.

ஈரான் மீது போர்தொடுத்தால் அதனால் பாதிக்க போவது அப்பாவி மக்கள்தான். இப்படி ஒரு நாட்டின் மீது அனியாயமாக போர் தொடுத்தால் அதனால் பாதிக்கபட்ட மக்கள் சொந்த பந்தங்களை இழந்த மக்கள் தங்களின் எதிரிப்பை காட்ட ஆயுதத்தை தான் கையிலெடுப்பார்கள். பலம் வாய்ந்த அமெரிக்காவை நேரடியாயக தாகமுடியாதென்பதால் பொது இடத்தில் குண்டு வைக்கதான் செய்வார்கள் போரால் பாதிக்க பட்ட மக்களின் உனர்வுகளை புரிந்து கொள்ள வேண்டுமென்றால் போரின் பாதிப்பை அனுபவித்தால் தான் புரிந்து கொள்ள முடியும். அது தான் ஈராக்கில் நடந்து கொண்டு இருக்கின்றது. தீவிரவாதிகள் தானாக முலைப்பதிலை. ஒரு நாட்டின் மீதோ அல்லது ஒரு இனத்தின் மீதோ அனியாயமாக தாக்குதல் நடத்துவதன் மூலம் தீவிரவாதத்தை விதைக்கின்றனர். (அதற்காக ஆயுதத்தை கையிலெடுத்து அப்பாவி மக்களை கொல்வதை ஒருபோதும் அனுமதிக்க முடியாது. இங்கு நான் சொல்ல வருவது அமெரிக்கா போன்ற நாடுகள் விதைத்த திவிரவாதம் என்னும் உயிர் கொல்லி இன்று நம் கலுத்திற்கு மேல் கத்தியாக தொங்கிகொண்டு இருக்கின்றது.)

தீவிரவாதத்தை உருவாக்குவதில் அமெரிகாவிற்குதான் முதல் இடம். இந்த லட்ச்சனதில் தீவிரவாததை ஒடுக்குவத்துதான் அமெரிக்க அரசின் குறிக்கோளாம் ஒபாமா வாய் கூசாம் கூறிக்கொண்டு இருக்கின்றார். இங்கு இன்னொரு விசயத்தை கவனிக்க வேண்டி இருக்கின்றது. இந்தியாவும் பாகிஸ்தானும் அனு ஆயுத சோதனை நடத்தும் பொழுது அமெரிக்கா இப்படி போர் தொடுக்கவில்லை.ஆனால் ஈரான் மீது மட்டும் போர் தொடுக்க வரிந்து கட்டிக்கொண்டு தயாராவது அனு ஆயுதம் தயாரிப்பதை எதிர்பதற்க்காக அல்ல. அந்த நாட்டின் என்னை வளத்தை கைபற்ற தான் என்பது தெளிவாக தெரிகின்றது. இந்தியா இறக்குமதி செய்யும் பெட்ரோலில் அருபது சதவிகிதம் ஈரானில் இருந்துதான் இறக்குமதி செய்கின்றது. அமெரிக்கா ஈரான் மீது போர் தொடுக்குமேயானால் இந்தியாவை பெட்ரோல் தட்டுபாடு ஏற்படும் அதானால் நமது மக்கள் நேரடியாகவே பாதிக்க படுவார்கள். இப்படி அனியாயம் செய்யும் இந்த அமெரிக்க புனைக்கு மனி கட்டுபவர் யார்?

இந்த நேரத்தில் நாம் மற்றொரு விடயத்தையும் உற்று நோக்க வேண்டி உள்ளது. ஈரான் அணு சோதனை நடத்திய இந்த நேரத்தில் அனைத்து நாடுகளின் பார்வையும் ஈரான் பக்கம் திரும்பி உள்ளது என்பதை அனைவருக்கும் தெரியும் அது ஈரானுக்கும் தெரியாமல் இல்லை. இந்த சூழலில் இருக்கும் எந்த ஒரு நாடும் மற்ற நாட்டை பகைத்து கொள்ள விரும்பாது. அப்படி இருக்கு பொழுது ஈரான் எப்படி இஸ்ரேல் தூதரக அதிகாரிகள் மேல் இந்தியாவிலும் தாய்லாந்திலும் தாக்குதல் நடத்துவார்கள். இந்தியா அரசு ஈரான் மீது போர்தொடுக்க ஆதரவு தரமாட்டார்கள் என்பதை அறிந்த அமேரிக்கா மற்றும் இஸ்ரேல் உளவுத்துறையின் வேலைதான் இந்த இஸ்ரேல் அதிகாரிகள் மேல் தாக்குதலுக்கு காரணமாக இருக்க வாய்ப்புகள் அதிகமாகவே உள்ளது.

ஆனால் வழக்கம் போல இந்திய ஊடகங்கள் "இஸ்ரேல் தூதரக அதிகாரிகள் மேல் ஈரான் தீவிர வாதிகள் தாக்குதல்" என்று செய்தி வெளியிடுகின்றன. உலக அலவில் இன்று நடத்த படும் பெரும்பாலான தாக்குதலுக்கு பின்னால் இப்படிப்பட்ட உளவுத்துறையின் பங்கு இல்லாமல் இல்லை, ஆனால் ஒவொரு சம்பவத்திற்கும் ஏதாவது ஒரு அப்பாவி மேல் வழக்கை போட்டு அவர்களின் வாழ்கையை வீணாக்கும் நடவடிக் கைகளில் அனைத்து நாட்டு காவல் துறை ஈடுபடுவதையும் மறுக்க முடியாது. இப்பொழுது சொல்லுங்க யார் திவிரவாதி அப்பாவி மக்களை அனியாயமாக கொன்று குவிக்கும் அமெரிக்காவா அல்லது இழந்த உரிமயை மீட்க்க போராடும் அப்பாவி மக்களா?

யார் இந்த இந்து முன்னனியினர் மற்றும் காங்கிரஸ் காரர்கள்..!

இந்தியா போன்ற நாடுகளுக்கு அனு உலை தேவையா என்பதை ஏற்கனவே நாம் விரிவாக பார்த்துள்ளோம். அதை படிக்க இங்கே சொடுக்கவும். இந்த நிலையில் அனு உலை எதிர்ப்பு குழுவின் பிரதினிதிகள் நெல்லை ஆட்சியர்  அலுவலகத்திற்கு பேச்சுவார்தைக்கு வந்துள்ளனர். அவர்களை இந்து முன்னனியினர் மற்றும் காங்ரஸ் காரர்களும் சேர்ந்து மாவட்ட ஆட்சியர் அலுவலகம் முன்பாக செருப்பால் அடித்துள்ளனர்.

அணு உலை எதிர்ப்பு குழுவின் போராட்டம் சரியா தவறா என்ற விவாதம் நமக்கு தேவையில்லை. ஆனால் ஒரு ஜன நாயக நாட்டில் அரசின் எந்த ஒரு நடவடிக்கை மற்றும் திட்டங்கள் குறித்து மாற்று கருத்து அல்லது அந்த திட்டம் தங்களது வாழ்வாதாரத்தை பாதிக்கும் என்ற அச்சம் இருகுமேயானால், அவர்களுக்கு போராட்டம் நடத்த எல்லா வித உரிமையும் இருப்பதாக அரசியல் சாசானம் கூறுகின்றது. அப்படி இருக்கும் பொழுது மக்களுக்கு இருக்கும் அச்சத்தை போக்க வேண்டியது அரசின் கடமை. அதற்கான நடவடிக்கைகளை அரசு எடுத்து வருவதை தான் இந்த பேச்சுவார்த்தை உனர்த்துகின்றது. எனவே அரசின் நடவடிக்கை பாராட்ட தக்கதுதான்.



ஆனால் போராட்டம் நடத்தும் ஒரு பிரிவினரை அந்த போராட்டதில் உடன்பாடு இல்லாத மற்றொரு பிரிவிவனர் தாக்குவது என்பது ஒரு தவறான முன்னுதாறனமாக அமைவதற்கு முன்னால் அந்த தாக்குதல் நடத்தியவர்கள் மீது கடும் நடவடிக்கை எடுப்பதன் மூலமாகதான் பின் வரும் காலங்களில் இது போன்ற வன்முறை நடக்காமல் தடுக்க முடியும். எனவே காவல் துறையினர் எந்த தயக்கமுமின்றி கடும் நடவடிக்கை எடுக்க வேண்டும்.



இந்த இந்து முன்னனியினர் அமைப்பை சேர்ந்தவர்களுக்கு போராட்ட குழுவினர் மீது தாக்குதல் நடத்த என்ன உரிமை இருகின்றது. ஜனனாயக வழியில் போராடுவது அவர்களின் உரிமை அதை தடுக்க யாருக்கு அதிகாரம் இல்லை. இந்த காங்ரஸ் காரர்களின் மன நிலை என்ன மத்தியில் காங்ரஸ் ஆட்சி செய்தால் அவர்களின் திட்டங்களை யாரும் எதிர்த்து வாய் திரக்க கூடாது என்று நினைகின்றனரா? இது என்ன ஜனனாயகம். அவர்களை ஓட்டு போட்டு அதிகாரத்தில் அமர வைத்தது இந்த மக்கள்தான் அதை மறந்து விட வேண்டாம். நாளை ஓட்டுக்காக கூழக்கும்புடு போட்டுக்கொண்டு இந்த மக்கள் முன்புதான் வந்து நிற்க வேண்டும் என்பதை மறக்க வேண்டாம்.

அணு உலை அணு உலைன்னு கடுபேத்துராங்க மை லார்ட்..!

அணு உலை அமைப்பது பாதுகாப்பானதா இல்லையா என்ற விவாதத்திற்குள் நாம் செல்ல வேண்டாம். இந்தியாவில் அணு உலை அமைப்பது பாதுகாப்பானதா என்பதை மட்டும் நாம் பார்ப்போம். நமது நாடு ஊழல் நிறைந்த நாடு என்பதை நான் சொல்லித்தான் தெரியவேண்டியது இல்லை .


உதாரணமாக போபாலில் நச்சு வாயு கசிந்து ஆயிரக்கணக்கானோர் உயிரிழந்த கோரச் சம்பவம் நிகழ்ந்து 25 ஆண்டுகள் ஆகிறது. ஆனால், இன்னமும் கூட இந்த கோர நிகழ்வில் பாதிக்கப்பட்டவர்களுக்கு உரிய நிவாரணம் கிடைக்காத கொடுமை நீடிக்கிறது.

மத்தியப்பிரதேச தலைநகரான போபாலில் பன்னாட்டு நிறுவனமான யூனியன் கார்பைடு ஆலையிலிருந்து விஷ வாயுவான மிதைல் ஐசோ சயனைட் எனும் வாயு கசிந்தது. இதில், சுமார் 15 ஆயிரத்து 274 பேர் மடிந்தனர். விஷவாயுவை சுவாசித்ததால் 5 லட்சத்து 74 ஆயிரம் பேர் பாதிக்கப்பட்டனர். இதனால் பாதிக்கப்பட்டவர்களுக்கு பிறக்கும் குழந்தைகள் இன்னமும் கூட உடல் ஊனமுற்றவர்களாக பிறக்கின்றனர்.

யூனியன் கார்பைடு நிறுவனத்தின் தலைவரான வாரன் ஆண்டர்சனை இந்தியா வுக்கு அழைத்து வந்து விசாரணை நடத்தப்படவில்லை. இதற்கு மத்திய அரசும், மத்தியப்பிரதேச அரசுமே காரணம் என்று தன்னார் வத் தொண்டு அமைப்புகள் குற்றம் சாட்டுகின்றன.

விஷவாயு கசிந்த ஆலையிலிருந்து இன்னமும் கூட நச்சுப் பொருட்கள் முழுமை யாக அகற்றப்படாத நிலை உள்ளது. 67 ஏக்கர் நிலப்பரப்பில் அமைந்துள்ள இந்த ஆலையில் இன்னமும் கூட நச்சுப் பொருட் கள் உள்ளன. அதுமட்டுமல்ல உலகின் மிக மோசமான தொழிற்சாலை விபத்துகளில் ஒன்றாக கருதப்படும் போபால் விஷவாயு கசிவு தொடர்பாக, இதுவரை ஒருவர் கூட தண்டிக்கப்படவில்லை.

விச வாயு கசிவுக்கு ஆளான யூனியன் கார்பைடு ஆலையை டவ் நிறுவனம் வாங்கி நடத்தி கொண்டுதான் இருக்கின்றது. நம்மால் என்ன செய்ய முடிந்தது. அல்லது நமது ஆட்சியாளர்கள் தான் என்ன செய்தார்கள். இந்த விபத்தால் பாதிக்கப்பட்டது எந்த அரசியல் தலைவரும் அல்ல எல்லோரும் அப்பாவி மக்கள் தான். அப்பாவி மக்கள் பாதிக்க பட்டால் அதர்க்காக இந்த நாட்டில் யார் கவலை பட போகின்றார்கள். அவர்கள் ஆடு மாடு போன்றவர்கள் கேக்க நாதியற்றவர்களாய் கோடிகணக்கில் இருகின்றார்கள் என்று இந்த ஆட்சியாளர்கள் நினைத்துவிட்டார்கள்.

நடந்த ஒரு விபத்திற்கே இருபத்தி ஐந்து ஆண்டுகள் நிறைவடைந்து விட்டது இன்னும் முடிவு தெரிய வில்லை. இந்த லட்சணத்தில் அணு உலை அமைக்க சர்வதேச ஒப்பந்தமாம். கடுபேத்துராங்க மைலார்ட்.

தானே புயல் தாக்கியதால் பாதிக்கப்பட்ட மக்களை நேரில் கண்டு நிவரனபநிகளை முடிக்கிவிடவே நமது முதல்வருக்கு நேரம் இல்லை. கருணாநிதி பாதிக்க பட்ட மக்களை காண போகின்றார் என்ற அறிவிப்பு வந்ததும். அவர் மக்களை சந்தித்து நல்ல பெயர் எடுத்து விடுவாரோ என்ற நல்ல எண்ணத்தில் அவசர அவசரமாக ஹெலிகாப்டரில் பறந்து வந்து கடமைக்கு சிலரை ஒரு திருமண மண்டபத்திற்கு வரவைத்து பார்த்து விட்டு கிளம்பிவிட்டார். புயல் தாகி இருபத்தி ஐந்து நாட்கள் ஆகியும் இன்னும் முழுமையாக மின்சாரம் தரப்படவில்லை.

இந்த லட்சணத்தில் அணு உலை விபத்து ஏற்பட்டால் என்ன ஆகும். நீங்களே சிந்தித்து பாருங்கள்.முதல்வர் எங்கே விபத்துனடந்த பகுதிக்கு சென்றால் கதிர்வீச்சு நம்மையும் பாத்திது விடும் என்று பயந்து போயஸ் தோட்டத்தில் அமர்ந்து கொண்டு அறிக்கை கொடுப்பார். இந்த விபத்துக்கு முழுக்க முழுக்க மத்திய அரசும் கருணாநிதியும் தான் காரணம். பாதிக்க பட்ட மக்களுக்கு நிவாரணம் வழங்க ஒரு ஐந்து லட்சம்கோடி நிதி உடனே மத்திய அரசு வழங்க வேண்டும் என்ற வகையில் அந்த அறிக்கை இருக்கும். நமது ஆட்சியாளர்களின் லட்சணம் இதுதான் இவர்களை நம்பி எப்படி நாம் அணு உலை அமைக்க முடியும். இங்கு அனைத்து துறைகளிலும் ஊழல் நிறைந்ததாகவே உள்ளது.

இந்தியாவில் அரசு நிறுவனங்களில் அடிமட்டத்தில் இருந்து ஆட்சியாளர்கள் வரை யாரும் இதற்கு விதிவிலக்கு இல்லை. இந்தியாவில் எல்லோருக்கும் ஒரு விலை உண்டு. உச்சநீதிமன்றமே அரசு அலுவலகத்தில் ஒவொரு பணிக்கும் எவ்வளவு லஞ்சம் என்பதை அரசே அறிவித்து விட்டால் மக்கள் சிரமம் இல்லாமல் அந்த தொகையை செலுத்திவிட ஏதுவாக இருக்கும் என்று நய்யாண்டி செய்யும் அளவில் நமது ஆட்சியாளர்களும் அரசு ஊழியர்களும் இருக்கின்றனர்.

அணு உலை அமைப்பதற்கு முன்னாள் ஊழலற்ற இந்தியாவை உருவாக்குங்கள் பிறகு அணு உலைகளை உருவாக்கலாம்.

எச்சில் துப்பாதே..!

"கிணற்றுள் எச்சில் துப்பாதே-பின்னர் அதையே நீ குடிக்க நேரலாம்!" என்கிறது ஜித்திஷ் பழமொழி.

இதற்கு, "என் வீட்டில் கிணறே இல்லையே; அப்புறம் எப்பூடி..." என்று வடிவேலு பாணியில் கேள்வி கேட்கும் நகரத்துவாசிகளுக்கும், "ஐயையோ! கிணற்றுக்குள்ளா...? "என்று அவசரமாக மறுக்கும் கிராமத்துவாசிகளுக்கும்தான் இந்தக் கட்டுரை!

"பொது இடங்களில் எச்சில் துப்புவது கூடாது" என்று பள்ளியில் நமக்கு அன்போடும் அக்கறையோடும் சொல்லித் தரப்பட்டிருக்கிறது.கல்லூரிக் காலத்தில் அது தொடர்பாக பலவற்றைப் பேசிப் பகிர்ந்து, தீமைகளை உணர நிதானமான வாய்ப்பு நிறையவே இருந்திருக்கிறது.

இவ்விரண்டு காலத்துக்கும் பின்னர், அவசர அவசரமாக வேறொரு வாழ்க்கையில் அடியெடுத்து வைக்கிறோம்.முன்பு அன்பாகவும் அமைதியாகவும் சொல்லித் தரப்பட்ட அதே கருத்து, இப்போது நமக்கான எச்சரிக்கையாகி அச்சுறுத்துகிறது.

பொதுமக்கள் அதிகமாக நடமாடும் இடங்களில் "இங்கே எச்சில் துப்ப வேண்டாம்; மீறினால் தண்டிக்கப்படுவீர்" என்று எழுதப்பட்டிருப்பது இதற்குச் சான்று!

நின்று நிதானிக்க நேரம் இல்லாமலும், அருகில் தெரிவதை அவதானிக்க முடியாமலும் தினமும் தொடரும் நம் விரைவுப் பயணத்தில், தெருக்களின் நிறங்களை மறைக்கும் அளவுக்கு போதையூட்டப்பட்ட வெற்றிலை பாக்குக் கறைகளில் கால்கழுவியும், ஜலதோசம் பிடித்தவர்கள் உமிழ்ந்த எச்சிலில் சறுக்கியும் செல்வது சகஜமாகிவிட்டது.

இது அருவருப்பை ஏற்படுத்தும் பெருந்துன்பம் என்பதற்கப்பால், குழந்தைகள் உள்ளிட்டவர்களை கொடிய நோய்கள் சுலபமாகத் தாக்கி விடுகின்ற பாதக விளைவுபற்றிச் சிந்திக்கும் நிலையில் நாம் இல்லை.

பொது சுகாதாரத்தைக் கருத்தில்கொண்டு, பொது இடங்களில் எச்சில் உமிழ்ந்தால், அபராதம் விதிக்கும் நாடுகளில் சிங்கப்பூர் முதலிடம் வகிக்கிறது.பிரிட்டன், சுவிட்சர்லாந்து, கனடா என்று தொடரும் பட்டியலில், அநேகமான ஆசிய நாடுகளுக்கு இடமில்லை.அதில் இடம்பெற நாம் முயன்றதும் இல்லை.

குழந்தைகளின் நலனில் அக்கறைகொண்டு ஆசிய நாடுகளில் இயங்கிவருகின்ற அரசுசார்பற்ற சில சுகாதார நிறுவனங்கள் நடத்திய ஆய்வின்படி, உலகம் முழுவதிலும் வருடமொன்றுக்கு 1.95 மில்லியன் குழந்தைகள் தொற்றுநோயால் இறந்துவிடுவதாகக் கண்டறியப்பட்டுள்ளது.

இதில், இந்தியாவில் மட்டும் தினமும் 5,000 குழந்தைகள் டயரியா, நியோமோனியா மற்றும் சுவாசத் தொற்றுநோய்களால் இறந்துவிடுகின்றனர் என்பதும் இவர்களில் பெருமளவினர் 3-5 வயதிற்குட்பட்ட வயதினர் என்பதும் அதிர்ச்சி தரக்கூடியதாக உள்ளது!


இந்தத் தொற்றுநோய்கள் பல்வேறு காரணிகளால் ஏற்பட வாய்ப்புள்ளது எனினும், சுகாதாரமற்ற சுற்றுச் சூழலே தலையாய காரணி என்பது வெளிப்படை.

இந்த உலகம் வட்டமோ சதுரமோ; அதில் வாழும் நாங்கள் வட்டமடித்து வாழ்கிறோம் என்பது மட்டும் நிஜம்! வெவ்வேறு மாநிலங்கள், நாடுகளைச் சேர்ந்தவர்களுடன் நம் கலாச்சாரமும், பண்பாடும் பகிரப்படுகிறது அல்லது பரஸ்பரம் கவரப்படுகிறது.

இதன்போது, நல்லவை போலவே தீய பழக்கவழக்கங்களுக்கும் நாம் அடிமைகளாகிவிடுவது தன்னியல்பாகவே நேர்ந்துவிடுகிறது. போதையூட்டும் மட்டமான புகையிலைப் பழக்கம், அண்டை மாநிலங்களிலிருந்து தமிழ்நாட்டுக்குத் தாவிவந்து நெடுங்காலமாயிற்று.

அதன் விளைவுகள் பாரதூரமானவை என்று மருத்துவத்துறை எவ்வளவோ அறிவுறுத்தியபோதிலும், மோசமான அந்தப் பழக்கம் இன்னும் பரவியே வருகிறது. இதன் விளைவு, அதனுடன் தொடர்பற்றவர்களையும் குழந்தைகளையும் தாக்கி அழிக்கிறது. நமது தீய பழக்கம் நம்மோடு முடிந்துபோனால் கூடப் பரவாயில்லை. அது பிறரைத் தாக்கவும் காரணமாக உள்ளது என்பது கொடுமையல்லவா?

எனவே, குழந்தைகள் உள்ளிட்ட பொதுமக்கள் நடமாடும் இடங்களைச் சுத்தமாக வைத்திருப்பது நம் ஒவ்வொருவரினதும் தலையாய கடமை என்றுணர்ந்து செயற்படுவோம்! இதற்காக நாம் ஒன்றுமே செய்யத் தேவையில்லை.

மாறாக, நீங்கள் சுற்றுச் சூழலை அசுத்தமாக்கும் நடவடிக்கைகளைச் செய்யாமலிருந்தாலே போதும். இதில் முதற்படியாக, பொது இடங்களில் எச்சில் துப்புவதைத் தவிர்ப்போம்!நம் தலைமுறையை நோயிலிருந்தும் இறப்பிலிருந்தும் காப்போம்!!


நன்றி: வெப்துனியா 

தகவல்களை தர மறுக்கும் விக்கிபீடியா..!

சர்வதேச இணையதளங்களை தணிக்கை செய்ய புதிய மென்பொருட்களை கொண்டுவருவதால் இணையதளத்தில் சுதந்திரமாக கருத்துக்களை வெளியிடுவதை தடை செய்வது போன்றதாகும் என்பதால் இன்று காலை 10.30 மணி முதல் உலகில் ஒரு நாளைக்கு அதிக நபர்கள் பார்வையிடும் மிக முக்கியமான விக்கிபீடியா இணையதளம் தனது ஒருநாள் சேவை நிறுத்தத்தை தொடங்கியுள்ளது.

விக்கிபீடியாவை இப்போது திறப்பவர்களுக்கு கிடைப்பதெல்லாம் "இமாஜின் எ வேர்ல்ட் விதவுட் ஃப்ரீ நாலெட்ஜ்" என்று கருமையான பிண்ணணியில் வெள்ளையாக எழுதப்படும் வாச்கங்கள் மட்டுமே.

இணையதளங்களை தணிக்கை செய்யும் அமெரிக்க அரசின் மசோதா பற்றிய விவரங்களுக்கான இணைப்பும், சட்டத்தை இயற்றுவோரை அணுகும் விதம் எப்படி என்ற விவரங்களும் மட்டுமே இன்னமும் 24 மணிநேரத்திற்கு விக்கிபீடியாவில் இருக்கும்.

இதற்கு முன்னதாக விக்கி பீடியாவின் இத்தாலிய பதிப்பு பெர்லுஸ்கோனியின் இணையதள சென்சார் நடவடிக்கையை எதிர்த்து சேவை நிறுத்தம் செய்திருந்தது. ஆனால் தற்போது ஒரு ஆங்கில பதிப்பு முழு சேவை நிறுத்தம் செய்வது இதுவே முதல் முறை.

விக்கி பீடியாவின் 5 தூண்கள் என்று வர்ணிக்கப்படும் நடத்தை விதிகளில் "நடுநிலையான கோணத்திலிருந்து எழுதுவது" என்பது மிகவும் முக்கியமானதாகும்.

விக்கிபீடியா நிறுவனர் ஜிம்மி வேல்ஸ் கூறுகையில், சில விவகாரங்களில் விக்கிபீடியா சரியான நிலைப்பாடுகளை எடுக்க வேண்டியிருந்தாலும் நடுநிலையைத் தவறவிடுவதில்லை என்றார்.

"என்சைக்ளோபீடியா நடுநிலையானதுதான், ஆனால் அதற்கு அச்சுறுத்தல் ஏற்படும்போது அது வேடிக்கை பார்க்காது" என்றார் அவர்.

அம்ரிக்காவில் தணிக்கை மசோதா நிறைவேறுமெனில் ஒட்டுமொத்த சுதந்திரமும் பறிபோகும். ஆனால் அமெரிக்க தரப்பு என்ன கூறுகிறது எனில் அமெரிக்க பொருட்களை கள்ளச்சந்தையில் அயல் நாடுகளில் இன்டெர்னெட் மூலம் விற்பதைத் தடுக்கவே இந்த புதிய மசோதா என்கிறது. அமெரிக்காவின் இந்த வாதத்திற்கு அமெரிக்க திரைப்பட மற்றும் இசை தொழில்துறையினரும் ஆதரவு தெரிவித்துள்ளனர்.

ஆனால் கூகுள், ஃபேஸ்புக், யாஹு, டுவிட்டர், ஈ-பே, ஏ.ஓ.எல். ஆகிய இணையதளங்கள் அமெரிக்க அரசின் இந்தச் செயல் சுதந்திரப் பேச்சுரிமையை பறிக்கும் என்று எதிர்ப்பு தெரிவித்துள்ளது.

கூகுள் நிறுவனம் தனது எதிர்ப்பை தனது முகப்புப் பக்கத்தில் வித்தியாசமாகக் காட்டும் என்று கூறியுள்ளது.

டுவிட்டர் சி.இ.ஓ. கூறுகயில், தேசிய அரசியலின் ஒரு தனிப்பட்ட விஷயத்தை எதிர்க்க முழு சேவையையும் நிறுத்துவது முட்டாள்தனமானது என்று மாற்றுக் கருத்தை தெரிவித்துள்ளார்.

எப்படியிருந்தாலும் இந்த மசோதா நிறைவேற்றப்பட முடியாதது என்று வேறு தரப்புகள் தெரிவித்துள்ளன.

எக்ஸ்பிரஸ் என்ற பெயரில் அரசு பேரு‌ந்துக‌ளி‌ல் கொள்ளை.!

தமிழகம் முழுவதும் எக்ஸ்பிரஸ் என்ற பெயரில் அரசு பஸ்களில் கூடுதல் கட்டணம் பெற்று மக்களை ஏமாற்றி வருகின்றனர்.

தமிழகத்தில் தற்போது பஸ் கட்டணம் உயர்த்தியுள்ளது பொதுமக்களை கடுமையாக பாதித்துள்ளது. கடந்த ஆண்டு பஸ் கட்டணத்தைவிட 50 சதவீதத்திற்கு மேல் கட்டணம் அதிகரித்துள்ளது மக்கள் மத்தியில் அ‌தி‌ர்‌ப்தியை ஏற்படுத்‌தியுள்ளது. ஒருபுறம் இப்படி இருக்க தமிழகத்தில் அரசு போக்குவரத்து கழகம் மறைமுகமாக மக்களை ஏமாற்றி வருவது வேதனையான விஷயமாகும்.

ஆம், தமிழ்நாடு அரசு போக்குவரத்து கழகத்தில் விரைவு பேருந்து, சொகுசு பேருந்து இப்படி பல வகையாக பிரித்துள்ளனர். இதெல்லாம் நீண்ட தூரம் செல்லும் பஸ்களுக்கு பொருந்தும். மற்றபடி அனைத்து பஸ்களும் ஒன்றுதான். ஒரே கட்டணம் மட்டுமே வசூலிக்க வேண்டும். ஆனால் தமிழகம் முழுவதிலும் தமிழ்நாடு அரசு போக்குவரத்து கழகம் எக்ஸ்பிரஸ் என்ற பெயரில் மக்களிடம் கொள்ளையடித்து வருவது வருத்தம் அளிக்கும் விஷயமாகும்.

பாயிண்ட் டூ பாயிண்ட் பஸ் இயக்க‌ப்பட்ட பிறகு அனைவரும் இந்த பஸ்ஸில் சென்றால் நேரம் ‌குறைவதா‌ல் பயணிகள் இந்த பஸ்ஸில் செல்லவே முக்கிய‌த்துவம் கொடுக்கின்றனர். ஆனால் பாயிண்ட் டூ பாயிண்ட் பஸ்ஸிற்காக தனி கட்டணம் வசூலிப்பதில்லை. இந்த நிலையில் பாயிண்ட் டூ பாயிண்ட் பெயரிலேயே எக்ஸ்பிரஸ் என்று பெயரிட்டு பயணிகளிடம் 50 சதவீதத்திற்கு மேல் கட்டணம் வசூல் செய்வது எந்த விததத்தில் சரி என தெரிவில்லை.

உதாரணமாக ஈரோட்டில் இருந்து சத்தியமங்கலத்திற்கு அனைத்து பஸ்களும் ரூ.26 கட்டணம் உள்ளது. ஆனால் எக்ஸ்பிரஸ் என்று போர்டு மட்டும் போட்டுவிட்டு மிகவும் மோசமாக பஸ்ஸில் பயணம் செய்தால் இதே இடத்திற்கு செல்ல ரூ.35 வசூலிக்கப்படுகிறது.

இதேபோல் சத்தியமங்கலத்தில் இருந்து கோயமுத்தூர் செல்ல சாதாரண பஸ்களில் பாயிண்ட் டூ பாயிண்ட் உட்பட ரூ.29 வசூலிக்கப்படுகிறது. ஆனால் எக்ஸ்பிரஸ் என்ற பெயரில் இதே இடத்திற்கு செல்ல ரூ.39 வசூலிக்கப்படுகிறது. (மீதம் ஒருரூபாய் கண்டக்டர் கொடுப்பதில்லை என்பது வேறுவிஷயம்).

இந்த கட்டணம் குறித்து எக்ஸ்பிரஸ் பஸ் கண்ணாடியில் எழுதியிருந்தால் கூட பயணிகள் கட்டணம் அதிகம் என அடுத்த பஸ்ஸில் செல்வார்கள். ஆனால் மக்களை ஏமாற்ற அதையும் செய்வதில்லை. பஸ்ஸில் பயணிகள் ஏறி பஸ் சென்றுகொண்டிருக்கும்போது கண்டக்டரிடம் டிக்கட் வாங்கும்போதுதான் இந்தகூடுதல் கட்டணம் பற்றிய தகவல் தெரியவரும்.

ஆகவே அரசு பஸ்களில் பயணிகளை இப்படி ஏமாற்றுவது எந்த விதத்தில் நியாயம் என்பதை ஆட்சியாளர்கள்தான் கூறவேண்டும்.

நன்றி: வெப் துனியா  

சரி செய்ய முடியாத சாலை போக்குவரத்து.!

நகரத்தின் கடைவீதியில் சைக்கிள் ஓட்டவோ, நடைபாதையில் நடக்கவோ முடியாதபடி கார்கள் வரிசையாக நிறுத்தப்பட்டிருக்கும்போது, அதற்காக ஒரு குடிமகன் எரிச்சலும் மனக்கொதிப்பும் அடைந்தால், அதை நகரத்தின் வளர்ச்சி என்று நினைத்து சமாதானம் அடைய வேண்டிய அவசியம் இல்லை.

அந்த மனக்கொதிப்பு நியாயமானதுதான் என்று நமக்குப் புரிய வைத்திருக்கிறார் கொலம்பியா நாட்டின் பொகோடா நகரமன்றத்தின் முன்னாள் தலைவர் என்ரிக் பெனலோசா. ஏனென்றால், "கார்நிறுத்தும் இடம் (பார்க்கிங்) என்பது அந்நாட்டுக் குடிமகனின் அரசியல் சாசனம் வழங்கிய உரிமை அல்ல. அது தனிப்பட்ட நபர்களின் பணத்தைக் கொண்டு, தனிப்பட்ட இடத்தில் தீர்வு காணப்பட வேண்டிய, தனிப்பட்ட பிரச்னை'

சென்னையில் இந்திய தொழிற்துறை சம்மேளனம் (சிஐஐ) நடத்திய கலந்துரையாடல் நிகழ்வில் இதை அவர் குறிப்பிடும்போது, நடைபாதையில் நடக்கும் சாதாரணக் குடிமகனின் ஆத்திரம் நியாயமடைகிறது.

இவர் இங்கே பேசியது மட்டுமல்ல, அவரது ஊரில் நடைமுறைப்படுத்தியவரும்கூட. சாலைகளில் கார் நிறுத்தங்களுக்குத் தடை விதித்தவர். "ஒரு நகரின் தரத்தை நிர்ணயிப்பது அந்நகரில் உள்ள மேம்பாலங்களோ, நெடுஞ்சாலைகளோ அல்ல. அகலமான நடைபாதைகள். ஐரோப்பிய நாடுகளில் உள்ள நகரங்களைப் பாருங்கள். நடைபாதைகளுக்கும், சைக்கிளுக்கும் அதிக இடம் தந்திருக்கும்' என்றும் சுட்டிக்காட்டுகிறார்.

சென்னை நகரில் தற்போது அமைக்கப்படும் மேம்பாலங்கள்கூட 5 ஆண்டுகளுக்குப் பிறகு போக்குவரத்து நெரிசலைத்தான் தரும் என்றும் தீர்க்கமாகக் கூறுகிறார் அவர். "பொதுமக்களுக்கான பஸ் போக்குவரத்துதான் தேவை. ஒரு பஸ் தடத்தில் ஒரு குறிப்பிட்ட நேரத்தில் 40,000 பேர் பயணம் செய்ய முடியும் என்றால், அதேநேரத்தில் ஒரு கார் தடத்தில் 2,000 பேர்தான் பயணம் செய்ய முடியும்' என்பது அவரது கருத்து.

ஏன் இது நமது ஆட்சியாளர்களுக்கும் அதிகாரிகளுக்கும் புரியவில்லை? ஏன் அவர்கள் இதையெல்லாம் யோசித்துப் பார்க்காமல், மேம்பாலங்களும், கார் பார்க்கிங் இடங்களையும் விரிவாக்கிக்கொண்டே போகிறார்கள்?

சென்னை போன்ற பெருநகரங்களில் முக்கிய கடைவீதிகளின் இருபுறமும் கார் நிறுத்துமிடம் உள்ளது. இதில் நிறுத்த இடமில்லாத கார்கள், குறிப்பாக அரசியல்வாதி அல்லது அதிகாரிக்குச் சொந்தமெனில், போலீஸýக்கு அஞ்சாமல் சாலையிலேயே நிறுத்தப்படுகிறது, போக்குவரத்துக்கு பெரும் இடையூறாக!

தமிழகத்தின் நகரங்களில் உள்ள பல பள்ளிகள் (இங்குதான் அதிகாரிகளின் குழந்தைகள் படிக்கிறார்கள்) பெற்றோரின் கார்களை, குழந்தைகளை ஏற்றிச்செல்லும் ஆட்டோக்களை தங்கள் வளாகத்துக்குள் அனுமதிப்பதே இல்லை. இத்தனைக்கும் அந்தப் பள்ளியில் மிக விசாலமான விளையாட்டுத் திடல், கார்நிறுத்த வசதிகள் இருக்கின்றன. இத்தனை வாகனங்களும் சாலையில் நிறுத்தப்பட்டு, காலை மாலை இருவேளையும் சுமார் ஒருமணி நேரத்துக்கு அப்பகுதியில் போக்குவரத்து நெரிசல் ஏற்படுகிறது.

இதே நிலைமைதான் கல்யாண மண்டபங்களிலும். நகரின் முக்கியப் பகுதியில் பிரம்மாண்டமான கல்யாண மண்டபங்கள் உள்ளன. வருபவர் அனைவரும் காரில் வருகிறார்கள். மண்டப வளாகம் கொள்ளாமல் சாலைகளில் நிறுத்தப்படும் கார்கள் மூலம் ஏற்படும் போக்குவரத்து நெரிசலால் பொதுமக்களுக்கு ஏற்படும் இடையூறும் காலதாமதமும் சொல்லிமாளாது.

கார் வைத்திருப்பதாலோ, சாலை வரி கட்டுகிறார் என்பதாலோ ஒருவர் பொதுமக்களுக்குச் சொந்தமான பொதுஇடத்தை-சாலையை-அடைத்துக் கொண்டு பார்க்கிங் வசதி பெற முடியுமா? அதைத் தனது அடிப்படை உரிமையாகக் கோருவது சரியாகுமா?

கார்களை நிறுத்துவதற்கான பலஅடுக்கு மாடிகளைப் பிரத்யேகமாக அமைத்துத் தர வேண்டிய பொறுப்பு கார்களைத் தயாரித்து வீதிகளில் விடும் நிறுவனங்களுக்கும் உண்டு அல்லவா! தங்கள் சொந்தப் பணத்தில், சொந்தமாக இடம்வாங்கி, வசதி செய்து தர வேண்டிய அவர்களது கடமையை நகராட்சி, மாநகராட்சி மீது திணிப்பது சரியல்ல.

சாதாரண நகரத்தைக்கூட கார்கள் படாதபாடு படுத்துகின்றன. அண்மையில் ஒசூரில் 500 நானோ கார்கள் முன்பதிவு செய்தவர்களுக்கு விநியோகம் செய்யப்பட்டன. மொத்தம் 4000 நானோ கார்கள் ஒசூரில் பதிவு செய்யப்பட்டுள்ளன. ஏற்கெனவே அங்கு 20,000 கார்கள் உள்ளன. மிகச் சிறிய நகராட்சி இந்தக் கார்களுக்கான நிறுத்துமிடம் உருவாக்கித் தர வேண்டும் என்பது எந்த வகையில் நியாயம்? எந்த வகையில் சாத்தியம்?

கார் நிறுத்தும் அடுக்குமாடிகளைக் கட்டித்தர வேண்டிய பொறுப்பு, செலவு இரண்டிலும் கார் உற்பத்தி நிறுவனங்களைப் பொறுப்பேற்கச் செய்ய வேண்டாமா? நகரத்தை கார்களால் நிரப்பும் நிறுவனங்களின் சமூகப் பொறுப்புதான் என்ன?

இந்த வேளையில்தான் என்ரிக் பெனலோசா சொல்வதை மீண்டும் நினைத்துப் பார்க்க வேண்டியிருக்கிறது: ""கார் பார்க்கிங் என்பது ஒரு குடிமகனின் அரசியல் சாசன உரிமை அல்ல. அது தனிப்பட்ட நபர்களின் பணத்தைக் கொண்டு, தனிப்பட்ட இடத்தில் தீர்வு காணப்பட வேண்டிய, தனிப்பட்ட பிரச்னை''.

கார் வாங்கும் சக்தி ஒரு சிலருக்கு இருக்கிறது என்பதாலேயே பெரும்பாலான குடிமக்களால் நடைபாதையில் நடக்கவே முடியாதென்றால் அது...